Heimsins besti fiskréttur

Heimsins besti fiskréttur

 

Þessi fiskréttur hefur verið minn allra uppáhalds í um 2 ár núna. Hann er ekki bara einfaldur heldur einstaklega bragðgóður. Ég fæ reglulega spurningar um þennan rétt þegar ég hef sýnt frá matseldinni á snapchatinu okkar (snapchat: ynjur.is) og því fannst mér tilvalið að skella uppskriftinni hér inn.

 

  • 600 g fiskur (t.d. ýsa eða þorskur)
  • 1  laukur
  • 2 hvítlauksrif
  • 3 gulrætur
  • olía til steikingar
  • 1 askja kirsuberjatómatar (400 g)
  • 2 1/2 dl matreiðslurjómi
  • 2 msk tómatpúrra
  • 1 msk dijon sinnep
  • 2 msk sykur
  • 2 tsk steinselja (fersk eða þurrkuð)
  • chillikrydd
  • salt og pipar

Hakkið lauk og hvítlauk smátt og skerið gulrætur í sneiðar. Steikið lauk, hvítlauk og gulrætur í olíu á pönnu og bætið svo tómötum, matreiðslurjóma, dijon sinnepi, tómatpúrru, sykri og steinselju á pönnuna og látið sjóða í 5 mínútur. Skerið fiskinn í bita og bætið honum út í sósuna. Látið sjóða í 5-6 mínútur. Smakkið til með salti og pipar. Gott að bera fram með soðnum kartöflum eða hrísgrjónum.

Facebook Comments
Ásdís Geirsdóttir

Ásdís er þrítug þriggja barna móðir og íslenskufræðingur, forfallin handavinnukona, ljósmyndari og ástríðubakari. Hún heldur úti netversluninni Rammagull.is ásamt RÓ heklvörum á Facebook.