Alltaf,stundum eða aldrei?

Alltaf,stundum eða aldrei?

Þegar ég var 16 ára gömul (sem var fyrir u.þ.b. þremur árum) fór ég í sálfræði 103, sem er svo sem ekkert frásögu færandi nema að það situr einn lítill hluti af námsefninu í mér enn þann dag í dag og ég hef alltaf bakvið eyrað eftir að ég varð foreldri.

Sonur minn verður 3ja ára núna um miðjan febrúar og er sjálfstæðið og ráðríkið “allt að drepa” þessar vikurnar (sem mig grunar að fleiri foreldrar kannist við) og börn á þessum aldri hafa ótrúlegan límheila á allt sem er sagt og gert.

Nema hvað…í þessum tiltekna áfanga vorum við nemendur spurð að því hvort við héldum að það væri auðveldara að venja barn af því að fá sleikjó við búðarkassann ef barnið fengi alltaf sleikjó, eða bara stundum.

Ég var mjög fljót að svara og rétti kokhraust upp hönd og svaraði:
“Stundum!”

Rangt!

HA…rangt, hvað meinar kellingin hugsaði ég..það gefur auga leið að ef barnið fær ekki alltaf sleikjó er það fyrr að venjast því að fá aldrei.

Alrangt. Ég veit ekki hvort að þið sem lesið hafið lent í aðstæðum að einn dag eftir leikskóla er farið í bakaríið og næstu 4 daga á eftir er suðað um að fara aftur, þið svarið alltaf nei og svo gleymist það?

Ég hef svo sannarlega lent í því og þetta er eiginlega of augljóst..

..ef barn fær alltaf sleikjó í búðinni er það ótrúlega fljótt að síast inn hjá barninu að það fær ekki lengur sleikjó þegar mamma/pabbi hafa sagt nei nokkrar búðarferðir í röð.

..fái barnið stundum sleikjó heldur það áfram að suða af því að það er vant að suða og fá á endanum, eða einhvern tímann að minnsta kosti já-ið sem leitast var eftir!

Eftir að ég fór að spá meira í þessu með mitt eigið barn ákvað ég að tileinka mér þetta þegar ég get, ég hef ákveðna reglu þegar Ríkharð Valur kemur með í búðina og við höfum fasta rútínu eftir leikskóla og hann þekkir þetta orðið og biður því yfirleitt aldrei um neitt annað 🙂

Ég elska einföld ráð sem virka!

Facebook Comments
Ásta Hermannsdóttir

Ásta er 32ja ára búsett á Húsavík í sambúð með Herði Inga en saman eiga þau einn son, Ríkharð Val tæplega 3ja ára ásamt Pug-hundinum Buddha. Er menntuð snyrti- og förðunarmeistari, lauk Bs prófi í næringarfræði árið 2014 og er að ljúka Ms gráðu í matvælafræði. Ásta hefur áhuga á öllu sem tengist húð- og snyrtivörum, heimilinu, uppskriftum og góðum mat, næringu og heilsu ásamt foreldrahlutverkinu.